తెలుగు తెలుగు తెలుగు........
పోతన తళుకుల నిండుదనం తెలుగు
వేమన చమక్కుల కమ్మదనం తెలుగు
కాళోజి చురుక్కుల ఉప్పదనం తెలుగు
శ్రీ శ్రీ చెణుకుల వెచ్చదనం తెలుగు
ముళ్ళపూడి కిసుక్కుల చల్లదనం తెలుగు
తెలుగు తెలుగు తెలుగు........
పలుకు పలికినంతనే మమకారం కలుగు
పరవశంతో ప్రతి హృదయం ఉప్పొంగు
విశ్వనాధ వారు వేయి పడగలుగా రాసినా
సినారె విశ్వంభర గా చూపినా
అదంతా మన జ్ఞాన పీటాలకి మచ్చు తునకలే
మన తెలుగు భాష మధురిమలకి నిజ ప్రతీకలే
అందుకే ప్రతి ఒక్కరం
పలుకుతూ.. పటిస్తూ..
ప్రతి ఒక్కరికీ పాటాలుగా బోధిస్తూ
తెలుగు వెలుగులకై కృషి చేద్దాం
తెలుగు భాషా సొబగులని
తర్వాతి తరాలకి అందిద్దాం
