Satavahana Rare brahmi Font unknown ruler COIN

Satavahana Rare brahmi Font unknown ruler COIN

Mauritius Telugu Assn,Damodhar rao with Director Telugu University

Mauritius Telugu Assn,Damodhar rao with Director Telugu University

Srirama Navami on 31 March

31నే శ్రీరామనవమి
ఏప్రిల్ 1న జరపడం అపచారం
శ్రీరామ నవమి నిర్వహణపై మరోసారి వివాదం నెలకొంది. రాముని కల్యాణం ఏప్రిల్ ఒకటో తేదీనే అని భద్రాచలం ఆలయ అధికారులు చెబుతుంటే.. ఆరోజు జరపడం అపచారమని, మార్చి 31వ తేదీనే శ్రీరామనవమి అని శ్రీ శారదా జ్యోతిషాలయ పీఠం సిద్ధాంతి, ఆచార్య ఆర్యసోమయాజుల వెంకట సుబ్బారావు పేర్కొన్నారు. . "ధర్మశాస్త్ర రీత్యా శ్రీరామ నవమిని ఈనెల 31వ తేదీ శనివారమే జరపాలి.నిర్ణయ సింధు, ధర్మ సింధు, శ్రీవాల్మీకి రామాయణ గ్రంథాల ప్రామాణిక సూత్రాల విశ్లేషణ ప్రకారం సంపూర్ణ పరిశోధన అనంతరం ఈ ప్రకటన చేస్తున్నా. 31వ తేదీన మధ్యాహ్నిక నవమి తిధి, పునర్వసు నక్షత్రం నాడు ధర్మశాస్త్ర రీత్యా సీతారాముల కల్యాణం జరపాలి. భద్రాచలంలో నిర్ణయించిన ఏప్రిల్ ఒకటో తేదీ ఆదివారం మధ్యాహ్నం సమయానికి దశమి తిధి, పుష్యమి నక్షత్రం ఉన్నాయి. అందుకే, ఆరోజు శ్రీరామనవమి చేయకూడదు 

పది జిల్లాల్లో తెలుగు అకాడమి ప్రాంతీయ కేంద్రాలు

 పది జిల్లాల్లో తెలుగు అకాడమి ప్రాంతీయ కేంద్రాలు  రాష్ట్రంలోని పది జిల్లాల్లో తెలుగు అకాడమి ప్రాంతీయ కేంద్రాలు ప్రారంభించనున్నట్టు తెలుగు అకాడమి సంచాలకుడు ఆచార్య కె. యాదగిరి మీడియా ప్రతినిధులతో శుక్రవారం చెప్పారు. పది జిల్లాల్లో ప్రాంతీయ కేంద్రాల్లో కేవలం పుస్తకాల అమ్మక కౌంటర్లకే పరిమితం కాకుండా మంచి లైబ్రరీని, కార్యక్రమాల నిర్వహణ హాలును కూడా నిర్మిస్తామని చెప్పారు. దీనివల్ల తెలుగు అకాడమి ప్రజలకు చేరువ అవుతుందని చెప్పారు. తెలుగు విశిష్ట్భాషా కేంద్రానికి ఇటు తెలుగు విశ్వవిద్యాలయం తరఫున, తెలుగు అకాడమి తరఫున విశేషకృషి చేస్తున్నామని, ప్రపంచంలో ఎక్కడ ఉన్న తెలుగు ఆనవాళ్లనైనా ఆంధ్రప్రదేశ్‌కు తీసుకువచ్చేందుకు ప్రయత్నాలు జరుగుతున్నాయని చెప్పారు. తెలుగు విశిష్ట్భాషా కేంద్రం ఏర్పాటు చివరి దశకు వచ్చిందని, తెలుగు వారంతా గర్వించదగ్గ రీతిలో ఈ కేంద్ర ప్రారంభం జరుగుతుందని చెప్పారు. తెలుగుభాషకు గతిశీలక డిజిటల్ డిక్షనరీని రూపొందించడం పూర్తయిందని, దీనిని చాలా చౌకధరలో మార్కెట్‌లోకి తీసుకువచ్చే ఆలోచనలో ప్రభుత్వం ఉందని, విద్యార్థులకు తక్కువ ధరకే ఈ డిక్షనరీ లభ్యం అవుతుందని పేర్కొన్నారు. ఈ నిఘంటువును ఐదు భాషలకు అనువర్తనం చేస్తున్నామని పేర్కొన్నారు. రానున్న రోజుల్లో తెలుగు అకాడమి తరఫున మూడు పరిశోధన పత్రికలు నిర్వహించనున్నట్టు చెప్పారు. అందులో ఒకటి భాషా సాహిత్యానికి, మరొకటి సామాజిక అంశాలపైనా, ఇంకోటి వైజ్ఞానిక అంశాలపైనా నిర్వహిస్తామని పేర్కొన్నారు. డిగ్రీ స్థాయి వరకూ తెలుగు భాషను లాంగ్వేజి పేపర్‌గా కాకుండా ఒక జనరల్ పేపర్‌గా కూడా ప్రవేశపెట్టే యోచనలో ప్రభుత్వం ఉందని, ఇందుకు సంబంధించి చర్చలు జరుగుతున్నాయని ఆయన వెల్లడించారు.